Nusing le Fasing

[Nuei le Faei]

Hlan lioah Nuva  an rak um i Fapa pathum an ngeihhna. Upa bik Kum 10 hrawng asi lioah an Nu nih athih takhna caah an Pa nih Nupi dang ahun ṭhit.

A Nupi nicun a Fa eile cu ahuat tukhna hin Arpi hrang hi a Taw le a hmaiah Thi chuak lakin a ihuahter.

Lo leiin a Pasal ahung tlun tikah, »Na Fa le an ṭha lo, ka Taw le Hmai hoihna keucik cekin an ka kheuh dih, na Fa le na thahhna lo sicun keimah ka kal lai« tiah an ih lioah achimh.

A Nupi chimmi Bia cu azawn zau ve i a Thin hunin a Fa le cu a auhhna hnuah an pa thumin Hai  hmin kan lo lai, tiah akal pihna. Haikung cu an kai kho lo i Hlei an donh.

An kai dih hnuin an Pa nih Hlei cu apheh kanhhna i Inn leiah atlung.

A Fa le cu an khuaruah harin an ṭap lemang.

Cu tikah an Nau hniang bik nih, »ka Ule hiti kan ṭah hi zeihmanh a ṭhahnem lo, ṭum khawh nakin kan izuam lai« tiah a tihna.

A Ule pahnih nicun, »Zeitin dah kan ṭum khawh lai, Haikung cungah thih ding lawng asi ko cang hi« tiah an ṭah azual chin chin.

Cu tikah an Nau hniangpa nih, »kan Lupawng le kan Biar hi kan phoihhna lai, ka Tai hiin ka ikhih lai i duhsah tein nan ka thlak lai« tiah ati.

An pehmi an Lupawng le Biar incun an Nau hniangpa cu a Tai zawnin an khih i an thlak hnuah Hlei cu ahun donh.

„Ka Ule, nan Thin phang hlah u, Haithei kha tam piin hun lo ulaw kan Nu le kan Pa kha kan phurhhna lai“ tiah a tihna.

„Thihna seh, a kan timi cu Haithei zong phurh awk an si lo“ tiah a Ule nicun an ti. An nau hniang nicun, »sihmansehlaw, kan Nu le kan Pa cu kan lehrulhna lai lo, tam piin hun lo ko u« a tihna.

Haithei cu tam ngaiin an phurh i an tlung.

Haithei cu an Nuei nicun a ei.

Haithei ei chawngah cun thanuam ngaiin aum nain ahnu acun, »na Fale hi na thahhna lo sicun keimah ka kal lai« tiah ati ṭhan.

Tuhmui le Paikawng an iphurh i Hra cawh dingah akal pihna.

Hra an cawh dih hnuah, »ka Fale, Hraliam khur hi athuk maw, nan pathum tein vung lut tuah u« tiah a tihna.

An vung luh bakah khin Lungpher kaupi achinh i Vawlei achilh dih hnuah Hraliam cu a iphurh i Inn leiah atlung.

An Unau thumin an ṭap lemang i ahnu bikah an Nau hniang nih, »Ka Ule kan ṭah lemang hi san atlai lo, kan chuah khawh naktu ruah ahau; kan Hrukpi hin Vawlei hi khorhhna usih« ati i Hraliam khur tlang Vawlei cu an Hrukpi incun an khoih an verh lemang i Ni thum hnuah an chuak kho ṭhan.

„Thihna seh, tiin kan tuah ko hmanhhna sehlaw Hraliam bawm khat cioin kan cawh lai“ tiah an Nau hniangpa nih ati i Hraliam cu an cawh i Paikawng khat cioin le hrum lemangin an phurh.

An Nuei cu Bahra um liocun a Ortha anuam i ṭha ngaiin aum.

Hraliam ahung dih hnuah zan khat cu, »Hranchia tang kho lopi, ka Fale ka thahhna na ti, na thahhna ṭung lo; an hung chuak ṭhan lemang le an ka vuak nakah ka Hmai le Taw vialte thichuak dih le keucik cekin aum; na thahhna lo asi sicun keimah hrim ka kal lai« tiah a Taw le a Hmai cu a hmuhsak.

A Taw le a Hmai cu celh lo buin a ikheuhter hran hrammi asi.

An Pa nicun a Fale thah taktak cu angamh lo i an thih khawhnak ding zeidin dah ka tuah lai tiah hngilh loin zanvar aruat.

A Fale cu a auh ṭhan nolhhna i Hreitlung pakhat cioin aken terhna. Ram lakah Farkung nganpi  ahau terhna.

Farkung cu Tikuang dingah kan saih lai ati i an saih.

A Chin dingah Thingphel an tuah.

An Pa nicun, »Vung lut ulaw, nan pathum nan itlum khawh sicun Sangra tampi ciah khawh asi lai« tiah ati caah an vung lut.

Cucun a Chin achinh i hriin fek tein aṭem hnuah chengpalang Hmun chia lakah ahrilh.

Kuang cu avung ril lemang i Hmun rawnah atang.

Sihmansehlaw Unau pathum cu an thi lo.

An chuak kho ti lo i an ṭap lemang.

Mah liaoh cun Vate nih Kuang cungah ahung kai Thawng an hun theih.

Aho dah kan cungah a Ummi cu na si.

„Kanmah te hmanh kan thi lai maw, kan nung lai dah tiah khuaruahhar vansang auin kan um lioah“ tiah an ti.

Cu tikah Vate nicun, »Hri ṭemmi ka in chahpiakhna lai i nan chuak lai ka ti ipei asi ko, tiah nan hei duh lo le ka kal ko lai lo maw« tiah ati.

Cu Bia an hun theih tikah cun, »Hriṭem na kan chahpiak kan hngal lo ipei asi tiah, zaangfah tein hun chat dih ko« tiah thanuam ngaiin an hun ti.

Hri cu achah dih hnuin azuang.

An Unau thumin Kuang chin Thingphal cu an Tha dihum nakin an hun thawn i an chuak.

„Kan Nu le kan Pa cu kan fuh ngam tihna lai lo, Thingthei le Ram hnahhna hi kan ei ko lai“ an ti i Buk an isak, Bahra an co, Thingthei ramhnah cu an ei i an um.

Nikhat cu an Buk hmai Thingkung cungah Ṭhuro a ifut ko kha an heihmuh.

An Nau hniangpa nih chaiin tla ko achaih. Ṭhurocok chungah Thlaicui phun tling an chuah.

Lo an tuah i cu Thlaici cu an tuh. Rawlkung cu ṭha tein an kheu dih i Rawl tam ial an lak.

Kum khat hnu Kum khat, Rawl cu an ngeideuh deuh i Kum thum hnuah cun ei cawk loin an ngei.

Cu lioah cun Pam atlung i an umnak Khua mihna cu ei awk ngei loin an um. Mahhna Rawl cu apawng Khua mihna nih an hun cawkhna i Chawva le Sia cu an Inn khat le Inn tang khat lakin an ngei.

An Fang sukmi Favai cu Tilu nih a heifenh i Tikam cu Favai lawngte akhat.

An Nuei le an Pa zong cu ei awk an ngei lo i an thi deng.

A nupi nih, »Hranchiatang pa, Pur va phur» tiah ati.

A Pasal cu Tiva nih arun fenhnak Favai cu azulh lemang i a Fale umnak Hmun aphan. Ka Fale an si ti awk ahngal lo nain a Fale nicun an hngalh peng ko.

Buh le Sa thaw an chumh.

An sining kong an chim tikah an Pa cu a Lung ahung pem i ka Fale ti a hngalhhna.

A ṭap i a ngaihchiat le ningzah acelh lo, athi deng.

Rawl cu Sawngkhoi khat tein an ronh. Facang cawk nakah tiin a ikenmi Hreitlung cu Sawngkhoi chungah ahngalh lo karah a thliin an sanhpiak.

An Nuei caah Buh le Sa zong an fun i a chungah Ṭhim an chiah.

An Khua avung phakah a Thil aṭhumh lioah cun a Nupi nih thil chuah cu a namin a inam i Buhfun le Hreitlung cu rianrangin ahun chuah.

Cu tikah a pasal Kepi cu Hreitlung nih tan ko atlak i athi.

A pasal Ruak hmanh zoh loin Buhfun cu rianrangin asamh i ei a inam.

Bar hnihthum ahun ibarh lioah a Hrom cu Ṭhim nih achunh i athi ve.