Rev. Dr. David Van Bik

BAWI KRIH LUNGPUT NGEIH

»Hi Lungput hi ngei u… midang nakin ka ṭha deuh tiah zeitik hmanah va iruat hlah u!« [Filipi 2:3]

Kawi Vennu le kei Amerika i kan hong phak khawh ve hi midang cacun khuaruah harmi asi lai lo nain, kannih cacun khuaruah har ngaimi asi ko, zeicaticun kanmah tein zeihamnh kan ituah khawh ngaimi aum lo i zeitiin dik Pathian nih Khua ahei khan i kan vara khove i asi ko. Amerika kan kal khawh sicun, zeihmanh tlun tikah project pa khatkhat ngeihte lai zong iruah chanmi kan ngei ngam lo. Vawlei cung Phung asi bantukin kan Fale le Tufa simi Martha, Van Biak Lian le Biak Ṭha Thang cu kan heingai tukhna ve i zeitik tal akhin ihmuhnak Ni le Caan ahei umte hnga dik maw ticun bang loin Saduh hi kan that. Cu kan Saduhthahnak he a ikhiahton micun University of Califonia, Berkeley i Linguistics Department cun visiting scholar kha zeimaw tiin ka hei hmusual i kan ilawm ngai i visa hmuh khawh a Sinak zong curuang acun asi.

Kha lakkar acun, Mr. Thawng Ling nih eMail in Phungchimnak tuah tawn asi i cucun na kan chimh khawh vecun kan ilawm tuk ko hnga, tiah a ka sawm i zeihmanh chim awk cu ka ngei lo nain vun al khacu asi kho deuhin ka thei fawn ṭung lo i cucacun tawitein iruahṭi kun hnek usih, ti ka duh. Cucacun nan theih bal lomi Bia thar maw, Bia thuk maw, Ruahnak ṭha maw Ruahnak thuk maw, ka chim khawh ding hi ka iruah lemang tikah zeihmanh aum lo, sinain ngaih dawngah heitiin Dahpia hawng cu vun chuah hnek ko usih, ka hei ti.

Lailei ummi Laimi Krifa nih kan herh ngairua tiin ka ruah tawnmi, nannih zong nihin nan herh sual ve hnga maw ka timi, cun nan herh lo sicun ka ilawm chin hnga, ka timi acun Pawl nih Filipi khuami Krifabu cu Ca a kuathna, i . . . zeitikhmanh midang nakin ka ṭha deuh tiah va iruat hlah u, a timi hi asi [filipi 2:3]. Kannih Lairam i a ummi Laimi Krifa nih kan iharh lo ngaimi cu Pathian ibochan hi asi i Americaram i aum mihna, nannih zong Americaram i nan um ve caah itel chihin, nan iharh ngaimi cu Pathian ibochan kha asi. Hihi cu theih thiam piak khawh ngai an/nan sihna ko, tiah ka ruah, zeicaticun Pathian bomh hau loin thil tam tukte an/nan tuah khawh ko i Pathian cu kannih thil hincun iceih lem hlah seh tiah khoimaw a Kiken khin heinen khawh a sitak tak ko lai. Cucacun Lairam ummi Laimi Krifa le US ummi Laimi Krifa kan idannak bik hi Pathian ibochan le ibochan loh i a simen lai, tiah ka ruah.

Lairam ummi Laimi Krifa hi kan ṭhat deuh ruangah Pathian kha kan ibochan deuh i nannih hika ummi Laimi Krifa mihna hin an ṭhatlo deuh ruangah Pathian kha nan ibochan lo, tiin ka Tiduhnak a sihrim hrim lo. Pathian ibochan deuh hi zeihmanh kan iti khawhlo deuh caah a sideuh khomen lai. A zeisi hmanah, Pathian ibochan deuh zong ibochan deuhlo zongah, nifate kan Nunnak ahin Bawipa Jesuh Krih ngeihmi Lungput cu ngeih kan herh cio ciomi asi ko, tiah ka zumh. Nannih cacun ahar hmanh ahar deuh ko lai.

Minung nihin thil tharmi kan ton paoh ahin, kha thil tharmi akhan kan Hlawp atlo zungzal i Ngaknu le Tlangval zong khi an hun iumh chawng acun an Hlawp atlo ngai, i Caan tawite chung hmanh iṭhen lai an isiang lo. Sinain thil um tuning asi vemi, kan luat khawh lo micu; kan i Ṭhitumnak kha Tlam tling seh ti duh acun, athar hlammi kan sipeng awkhna cu asi kho lo. Kan hlunh le puitlin sikha avun herh. Minung hi kan nunnak Khuallam ahin Ngakchia hoihna kan Sicaan voitampi aum ko i kha Ngakchia bantuk kan Sinak kha nutling le patling Sinak acun kan ṭhan lonhhrim hrim cu aherh. Ngakchia nicun amah theihmi le hngalhmi lawng kha thil dihlak a sirua tiah a iruah i amah Duhnak kha aṭha bikcem asi tiin aruah. A ṭhami tampi aum tak ko lai, sinain a dihlak incun aṭha dih lem lai lo, midang Ruahnak zong kha amah Ruahnak nakin aṭha deuhmi aum ko lai i kha hngalh le ruah khawh kha nutlin le patlin cu asi. Kha dah Pawl nihin Filipi khuami Krifa mihna kha si u, ati duh mihna hi a sirua tiah ka zumh. Laimi Krifa, Amerika i aum mihna hi atam bik cu Lailei zong i kan rak in bochan mihna le kan Ram in upat mihna nan si i cucacun quality cu nan ngeihna ko lai, sinain thil pakhat avun umve micu quantity leicun kan Laiphung i Barawh zat timi lawng khi nan sihna ko. Bawi Jesuh Krih sinin Thawng ṭhami Bia hi a Hram thokin a Donghnak tiang; Remnak, Dawtnak, Lungthin i Remnak hi asi i hihi nannih zong nihin nan herh ve, tiah ka zumh. Cucacun ka in fial duhhna micu; Lungthin ah ikhat u, idaw u, lungrual tein um u, khat le khat iengtai hlah u, pumpak Thangṭhatnak kha kawl hlah u, toidornak Lungthin tukha ngei cio ulaw, midang nakin ka ṭha deuh, tiah zeitik hmanah va iruat hlah u! AMEN.